Sérfræði -og áhugssvið
Margrét er sálfræðingur og sérfræðingur í klínískri sálfræði. Sérhæfing hennar er í vinnu með þunglyndi, kvíða og streitu svo og flókin tengsla-og persónuleikavandamál.
Síðustu tvo áratugi hefur núvitundar-og samkenndarnálgun verið hennar aðaláhersla í meðferð eftir að hún kynntist frumkvöðlum núvitundar í sálfræðilegri meðferð í Oxford þangað sem hún fór upphaflega til að nema hugræna atferlismeðferð (HAM). Hún notast einnig við aðferðir díalektískrar atferlismeðferðar (DAM) og lagði grunninn að uppbyggingu slíkarar meðferðar á Hvítabandi Landspítalans.
Margrét býður einnig upp á meðferð á þýsku og ensku.
Menntun
Margrét lauk meistaraprófi í sálfræði við Freie Universitaet Berlin 1981. Hún hefur allan sinn starfsferil verið í stöðugri símenntun á sviði tilfinningalegra erfiðleika hjá fullorðnum. Fyrsta þjálfun eftir meistaraprófið var í Client -Centered Therapy, meðferð byggð á kenningum Carl Rogers. Margrét er með Post Graduate Diploma í HAM frá háskólanum í Oxford og hefur verið í læri hjá Melanie Fennell, Mark Williams og Paul Gilbert í kennsluþjálfun í núvitund og samkennd. Auk þess hefur hún sótt kennaraþjálfun hjá Chris Germer og Kristin Neff í ,,Núvitund og samkennd í eigin garð“ (Mindful Self-Compassion).
Starfsreynsla
Margrét hefur unnið sem sálfræðingur frá 1981 í Þýskalandi og Englandi en lengst af á geðsvið Landspítala háskólasjúkrahúsi. Um tíma starfaði hún einnig á krabbameinsdeildum spítalans. Hún vinnur nú á Sálfræðistofunni sf. Klapparstíg 25-27 auk þess að sinna námskeiðshaldi í núvitund og samkennd.
Margrét hefur kennt sálfræði á háskólastigi, verið handleiðari í HAM náminu á Íslandi og sinnt almennri handleiðslu fagfólks, nemenda og stjórnenda.
Margrét Bárðardóttir
