Anna Dóra

Frostadóttir

Anna Dóra lærði klíníska sálfræði við Háskóla Íslands og Macquarie University í Sydney, Ástralíu. Einnig lauk hún félagsráðgjafanámi við Háskóla Íslands. Hún hefur starfað sem sálfræðingur frá árinu 2006, fyrst sem sálfræðingur á geðsviði Landspítala háskólasjúkrahúss til ársins 2007. Hún vann sem HAM meðferðaraðili á heilsugæslustöðvum í St. Albans í Bretlandi (IAPT) á árunum 2008-2011. Hún vann síðan sem sálfræðingur í Vettvangsgeðteymi Reykjavíkur á vegum Velferðarsviðs á árunum 2011-2018. Hún hefur jafnframt lokið mastersnámi í núvitund við Bangor háskólann í Bretlandi. Frá 2015 hefur hún rekið eigin sálfræðistofu á Núvitundarsetrinu þar sem helstu verkefni hennar er klínísk einstaklingsmeðferð og hópnámskeið, út frá nálgunum HAM, núvitundar, samkenndar, DAM, ACT og EMDR. Samhliða því hefur hún sinnt kennslu í núvitund á háskólastigi, handleiðslu fagfólks og nema í núvitund, tekið þátt í rannsóknarvinnu og haldið fjölda námskeiða í núvitund og samkennd fyrir klíníska hópa, fagaðila, almenning og starfsmenn fyrirtækja.

 

Netfang: annadora@nuvitundarsetrid.is

Bryndís Jóna Jónsdóttir

Bryndís Jóna hefur lokið diplomanámi á masterstigi í jákvæðri sálfræði, MA námi í náms- og starfsráðgjöf með áherslu á fræðslu og starfsánægju og B.Ed prófi. Hún hefur starfað í leik-, grunn- og framhaldsskólum, lengst af í Flensborgarskólanum, fyrst sem námsráðgjafi og síðar sem mannauðsstjóri. Árið 2012 hófst innleiðing núvitundar í Flensborg og leiddi hún það starf ásamt því að halda fyrirlestra og námskeið um núvitund fyrir almenning, fyrirtæki og skóla. Bryndís Jóna kennir nú við HÍ ásamt því að vinna að þróun og rannsókn á innleiðingu á núvitund í leik- og grunnskóla. Hún hefur sótt kennaraþjálfun í núvitund við Bangor háskóla í Wales og frá Breathworks samtökunum sem sérhæfa sig í nálgun núvitundar fyrir fólk sem er að takast á við verki og streitu. Þá hefur hún lokið kennaraþjálfun frá Mindfulness in Schools Project (MiSP) bæði .b og .Paws sem er námsefni fyrir 7-18 ára auk þess að hafa lokið kennsluþjálfun hjá Youth Mindfulness og sótt fjölda námskeiða með áherslu á núvitund og samkennd.

 

Netfang: bryndisjona@nuvitundarsetrid.is

Edda M.

Guðmundsdóttir

Edda Margrét lauk BA prófi í sálfræði frá Háskóla íslands árið 2002, Cand. psych. gráðu frá sama skóla 2005 og námi frá Háskólanum í Exeter, Bretlandi í núvitundarmiðaðri meðferð árið 2014 (2012-2014).

Edda Margrét hefur unnið sem sálfræðingur hjá Núvitundarsetrinu síðan 2015,  verið þar núvitundarleiðbeinandi og handleiðari í núvitundarmiðaðri meðferð hjá Mindfulness Network í UK síðan 2018. Á meðan náminu stóð í Bretlandi starfaði hún hjá Barna- og unglingageðheilbrigðisþjónustu í Exeter (CAMHS) og hjá rannsóknarsetri Háskólans í Exeter (IAPT-service og NHS) og vann meðal annars að því að aðlaga núvitundarmiðaða meðferð að unglingum með kvíða og þunglyndi. Hérlendis hefur hún starfað sem sálfræðingur hjá Heilsugæslu Höfuðborgarsvæðisins þar sem hún gerði einnig rannsókn á núvitunarmiðaðri meðferð fyrir unglinga með kvíða og depurð. Þá hefur hún starfað hjá Krafti, stuðningsfélagi fyrir ungt fólk sem greinst hefur með krabbamein og aðstandendum þeirra og haldið námskeið fyrir Ráðgjafarþjónustu Krabbameinsfélagsins um árabil fyrir ungt fólk sem misst hefur nákominn. Hún hefur haldið fjölda fyrirlestra, vinnustofur og námskeið um núvitund.

Netfang: edda@nuvitundarsetrid.is

Eygló Sigmundsdóttir

Eygló lauk BA prófi í sálfræði og félagsráðgjöf ásamt starfsréttindanámi í félagsráðgjöf frá Háskóla íslands árið 1997. Cand. psych. gráðu frá Háskólanum í Árósum 2009 og hlaut sérfræðiviðurkenningu í sálfræði í Noregi árið 2019. Hún hefur sótt ráðstefnur og margvísleg námskeið og vinnustofur, þ.á.m. sérhæfð HAM, EMDR og núvitundar- og samkenndarnámskeið. Eygló starfaði í yfir áratug (1997-2009) á geðsviði Landspítala sem félagsráðgjafi, bæði á göngudeild, dagdeild og á bráðamóttöku. Hún starfaði sem sálfræðingur á geðsviði Landspítala á árinu 2009, í Noregi 2010-2017 og á Heilsustofnun NLFÍ 2017-2019. Eygló hefur verið sjálfstætt starfandi sálfræðingur með stofu á Núvitundarsetrinu frá 2017. Helstu verkefni hennar eru klínísk einstaklingsmeðferð og hópnámskeið. Í starfi sínu hefur hún sinnti margvíslegum verkefnum, svo sem greiningarvinnu, einstaklings- og hópmeðferðum á göngu- og dagdeild, fjölskyldumálum, handleiðslu nema, fræðslu, ráðgjöf og teymisvinnu. Hún hefur jafnframt sinnt stundakennslu á háskólastigi.

 

Netfang: eyglo@nuvitundarsetrid.is

Guðbjörg Daníelsdóttir

Guðbjörg lærði sálfræði við Háskóla Íslands og Boston College í Bandaríkjunum.  Einnig lauk hún kennsluréttindanámi frá Háskóla Íslands. Hún hefur starfað sem sálfræðingur frá árinu 2003, fyrst hjá Geðhjálp en síðan á geðsviði Landspítala háskólasjúkrahúss um nokkurra ára skeið.  Þar sinnti hún bæði einstaklingsmeðferð á göngudeild og á dagdeild Hvítabands auk þess að stýra námskeiðum og hópmeðferð þar sem unnið var bæði með hugræna atferlismeðferð og núvitund. Guðbjörg hefur sótt  kennaranámskeið í núvitund á vegum Oxford Mindfulness Centre í samvinnu við háskólann í  Oxford. Guðbjörg hefur víðtæka reynslu af meðferð geðrænna vandamála s.s. þunglyndis, kvíða og tilfinningalegra erfiðleika þar sem núvitund hefur orðið sívaxandi þáttur í meðferðarvinnunni.  Samhliða klínísku starfi hefur Guðbjörg sinnt kennslu í sálfræði í fjölmörg ár, bæði á framhaldsskóla- og háskólastigi. Guðbjörg rekur nú eigin sálfræðistofu á Klapparstíg 25-27 Reykjavík auk þess að halda námskeið í núvitund fyrir almenning.

 

Netfang: gudbjorg@nuvitundarsetrid.is

gsm: 848-7535

Herdís Finnbogadóttir

Herdís lærði sálfræði við Háskóla Íslands og útskrifaðist þaðan árið 2005. Hún vann sem skólasálfræðingur í Reykjanesbæ frá útskrift til ársins 2008. Frá þeim tíma hefur hún starfað sem sálfræðingur á geðsviði Landspítala háskólasjúkrahúss þar sem hún stýrir meðferðarúrræði þar sem áhersla er lögð á núvitundarþjálfun. Síðastliðin ár hefur hún lagt áherslu á meðferð byggða á samkennd (Compassion Focused Therapy) undir handleiðslu Paul Gilberts prófessors við háskólann í Derby. Herdís hefur sótt  kennaranámskeið í núvitund á vegum Oxford Mindfulness Centre í samvinnu við háskólann í  Oxford. Herdís starfaði áður sem líffræðingur í Blóðbankanum til 15 ára, er lærður jógakennari og kenndi bæði leikfimi og jóga til nokkurra ára. Hefur auk þess stundað kennslu á háskólastigi og rekur eigin sálfræðistofu, Sálfræðistofan sf. á Klapparstíg 25-27,  samhliða starfi sínu á geðsviði Landspítalans. 

 

Netfang: herdis@nuvitundarsetrid.is

Margrét Arnljótsdóttir

Margrét Arnljótsdóttir útskrifaðist sem sálfræðingur árið 1980 eftir nám við Háskólann á Íslandi og við University of Manchester á Englandi. Frá útskrift hefur hún starfað sem sálfræðingur fyrst með börnum og fjölskyldum innan skóla- heilbrigðis- og félagsmálakerfisins en síðustu 20 ár hefur hún sinnt klíniskri vinnu með fullorðnum, þar sem helstu verkefnin eru meðferð þunglyndis og kvíða, langtímaafleiðingar ofbeldis eða áfalla, streita og lífskreppur auk gjörhygli eða núvitund. Margrét hefur rekið sálfræðistofu frá árinu 1993 samhliða öðrum störfum. Í dag er hún í hlutastarfi hjá HNLFÍ í Hveragerði og sálfræðistofa hennar er í Núvitundarsetri. Allt frá útskrift hefur Margrét sinnt stöðugri endurmenntun, m.a nam hún hugræna atferlismeðferð í Newcastle á Englsndi árið 1992-3 og lauk síðar handleiðslunámi á Íslandi. Í rúman áratug hefur endurmenntun hennar aðallega beinst að núvitund og samkennd. Margrét hefur lokið kennararéttindum í núvitund frá Háskólanum í Bangor og frá Oxford (MBCT og MBSR) og hún hefur lagt áherslu á meðferð byggða á samkennd eða Compassion Focused Therapy (CFT) undir handleiðslu próffessors Paul Gilbert. Á síðustu tíu árum hefur Margrét haldið fjölmörg námskeið bæði í samkennd og núvitund.

Netfang: margreta@nuvitundarsetrid.is

Margrét Bárðardóttir

Margrét nam sálfræði við Freie Universität, Berlín, Þýskalandi og útskrifaðist 1981. Hún bjó í Berlín við nám og störf í 15 ár en hefur starfað á ýmsum deildum geðsviðs LSH frá 1987,  m.a. móttökudeildum og  á krabbameinsdeildum spítalans. Margrét stundaði  nám í hugrænni atferlismeðferð í Oxford 2002–2003 og hóf jafnframt þjálfun í núvitund sem er nú hluti af hennar  daglega starfi í meira en áratug. Margrét hefur sótt  kennaranámskeið í núvitund bæði við Oxford Cognitive Therapy Centre í samvinnu við háskólann í  Oxford og við háskólann í Bangor, Wales. Síðustu árin hefur hún lagt aukna áherslu á ,,Meðferð byggð á samkennd“ (Compassion Focused Therapy) undir handleiðslu Paul Gilberts prófessors við háskólann í Derby. Margrét hefur haldið fjölmörg námskeið í núvitund fyrir almenning,  ýmsa sjúklingahópa og á stofnunum. Margrét hefur langa reynslu af störfum með margbreytileg tilfinningaleg og geðræn vandamál og verið í stöðugri endurmenntun á því sviði. Hún starfar nú  á Dagdeild Hvítabandsins á LSH ásamt því að reka eigin stofu, Sálfræðistofan sf á Klapparstíg 25-27. Auk þess hefur hún stundað kennslu á háskólastigi og sinnt handleiðslu starfsfólks og stjórnenda í fyrirtækjum og stofnunum.

 

Netfang: margretb@nuvitundarsetrid.is

gsm: 863-0666

Pálína

Ásgeirsdóttir

Pálína Erna Ásgeirsdóttir lauk meistaraprófi í sálfræði frá Háskóla Íslands árið 2012.  Árið 2014, 2013 og 2011 fór hún til Bandaríkjanna á kennaraþjálfunarnámskeið fyrir fagfólk í heilbrigðisgeiranum í MBSR (Mindfulness Based Stress Reduction) “Teacher Intensive Development”, “Mindfulness Based Stress Reduction in Mind Body Medicine” og “Practicum in Mindfulness“. Námskeiðin voru haldin í OMEGA, New York fylki  og í miðstöð Jon Kabat-Zinn og félaga í University of Massachusets Medical School og kennd af Jon Kabat-Zinn og félögum.  Auk þess hefur hún lokið praktísku námi í Hugrænni atferlismeðferð í Endurmenntun Háskóla Íslands, ásamt fleiri styttri námskeiðum. Pálína hefur starfað á geðsviði LSH síðan vorið 2008, fyrst sem ráðgjafi/stuðningsfulltrúi á móttöku fíknimeðferðar en í dag sem sálfræðingur á Teigi.  Starf hennar er aðallega fólgið í einstaklingsviðtölum við skjólstæðinga með tvígreiningar og hópmeðferð, HAM; Hugræn atferlismeðferð en einnig fræðslur.  Þar að auki starfar hún sjálfstætt á sálfræðisstofu sinni að Suðurlandsbraut 32. Meginverkefni hennar þar eru að vinna með krísur í einkalífi eða starfi; streitu, kvíða og þunglyndi en einnig samskiptavanda.  

 

Netfang: palina@nuvitundarsetrid.is

gsm: 862-3661

Sigurlaug María Jónsdóttir

Sigurlaug lauk BA prófi í sálfræði frá Háskóla íslands árið 2001, Cand. psych. gráðu frá sama skóla 2005 og hlaut sérfræðiviðurkenningu í klínískri sálfræði árið 2016. Hún hefur sótt ráðstefnur og margvísleg námskeið og vinnustofur, þ.á.m. sérhæfð HAM námskeið, kennsluþjálfun fyrir fagaðila í núvitund á vegum Oxford Mindfulness Centre og Bangor háskóla, leiðbeinendanámskeið í Mindful eating og vinnustofur um meðferð byggða á samkennd. Sigurlaug hefur unnið sem sálfræðingur á stofu síðan 2016 og verið núvitundarleiðbeinandi hjá Núvitundarsetrinu síðan þá. Hún er nú með stofu hjá Sálfræðiþjónustunni Styðjandi. Sigurlaug starfaði í yfir áratug (2006-17) á geðsviði Landspítalans þar sem hún sinnti margvíslegum verkefnum, svo sem greiningarvinnu, einstaklings- og hópmeðferðum á göngu- og dagdeild, fjölskyldumálum, handleiðslu fagfólks og nema, fræðslu, ráðgjöf og teymisstjórnun. Hún hefur jafnframt sinnt stundakennslu á háskólastigi og tekið þátt í rannsóknarvinnu.

Netfang: sigurlaug@nuvitundarsetrid.is

Sólveig Hlín.jpg

Sólveig Hlín Kristjánsdóttir

Sólveig Hlín Kristjánsdóttir lauk cand.psych. gráðu í sálfræði frá Háskólanum í Kaupmannahöfn 2005 og fékk sérfræðiviðurkenningu í klínískri barnasálfræði árið 2015. Hún lauk sérfræðinámi í hugrænni atferlismeðferð frá EHÍ 2013 og er nú í kennsluþjálfun í núvitund á vegum Núvitundarsetursins og Bangor háskóla. Auk þess er hún lærður jógakennari og leiðsögumaður. Sólveig hefur fjölþætta reynslu við meðferð og greiningar barna og unglinga en hún hefur m.a. unnið á Barna- og unglingageðdeild Landspítala (BUGL), Greiningar- og rágjafastöð ríkisins (GRR) og núna á Heilsugæslu höfuðborgarsvæðisins (HH). Hún hefur sinnt einstaklings- og hópmeðferð barna og fullorðinna, verið með ráðgjöf til foreldra barna með hegðunar og tilfinningavanda og þróað hópmeðferð byggða á HAM, DAM og núvitund fyrir unglinga.

Netfang: solveig@nuvitundarsetrid.is