Sérfræði- og áhugasvið
Sólveig er sálfræðingur (sérfræðingur í klínískri barnasálfræði) og núvitundar og samkenndar kennari. Hún sinnir hópmeðferð, námskeiðum og einstaklingsviðtölum. Sólveig hefur sérhæft sig í núvitund og samkennd, hugrænni atferlismeðferð (HAM) og hefur líka notað aðferðarfræði DAM og IFS (partavinnu). Hún hefur hlotið þjálfun í EMDR og situr í stjórn EMDR á íslandi. Auk þess að vera á Núvitundarsetrinu starfar hún hjá Ljósinu. Hún starfaði lengi með börnum og unglingum en hefur síðustu ár farið að vinna meira með fullorðnum í einstaklingsviðtölum og í hópmeðferð.
Menntun
Sólveig lauk cand.psych. gráðu í sálfræði frá Háskólanum í Kaupmannahöfn 2005 og fékk sérfræðiviðurkenningu í klínískri barnasálfræði árið 2015. Hún lauk sérfræðinámi í hugrænni atferlismeðferð frá EHÍ 2013 og kennsluþjálfun í núvitund og samkennd nokkru síðar. Sólveig hefur hlotið þjálfun í EMDR meðferð. Auk þess er hún lærður jógakennari og leiðsögumaður.
Starfsreynsla
Sólveig hefur fjölþætta reynslu við meðferð og greiningar barna og unglinga en hún hefur m.a. unnið á Barna- og unglingageðdeild Landspítala (BUGL), Greiningar- og rágjafastöð ríkisins (GRR) og á Heilsugæslu höfuðborgarsvæðisins (HH). Hún vinnur nú bæði á Núvitundarsetrinu og hjá Ljósinu, endurhæfingar- og stuðningsmiðstöð fyrir fólk sem hefur fengið krabbamein. Hún hefur sinnt einstaklings- og hópmeðferð barna og fullorðinna, verið með ráðgjöf til foreldra vegna hegðunar og tilfinningavanda og haldið fjölmörg námskeið og vinnustofur í tengslum við samkennd og núvitund.