.jpg)
Þjónusta & umsagnir
Hjá okkur starfa klínískir sálfræðingar sem hafa sérhæft sig í þunglyndi, kvíða, streitu, áföllum, persónuleikaröskunum, alvarlegum geðröskunum, krónískum verkjum, langvarandi veikindum og alls kyns lífskreppum.
Núvitundarsetrið býður upp á námskeið inn í fyrirtæki, bæði fyrir starfsmanna-hópa og stjórnendur. Síðastliðin ár hafa fyrirtæki í auknum mæli óskað eftir núvitundarþjálfun fyrir starfsmenn sína.
Núvitundarsetrið býður upp á gagnreynd námskeið og þjálfun í núvitund og samkennd fyrir fólk á öllum aldri. Þjónustan hentar þeim sem vilja auka lífsgæði sín, eflast í starfi sem og þá sem eru að takast á við andleg eða líkamleg veikindi. Á Núvitundarsetrinu starfa sálfræðingar sem veita einstaklingsviðtöl og handleiðslu. Fagfólk okkar heimsækir oft vinnustaði með fræðslu, vinnustofur og námskeið.
Forsætisráðuneytið
„Í haust vildum við í forsætisráðuneytinu prófa að vera með reglubundið stuttar núvitundaræfingar á komandi vetri og höfðum samband við Önnu Dóru sálfræðing og núvitundarkennara hjá Núvitundarsetrinu til að vanda upphaf verkefnisins. Anna Dóra mætti til okkar og hélt nokkra stutta fræðslufundi fyrir litla hópa í einu þar sem hún tók núvitundaræfingu í lokin. Anna Dóra var með sérstaklega góða nærveru og gaf góða innsýn í hvað núvitund er og gerir fyrir okkur. Við förum full sjálfstrausts inn í veturinn og stefnum á að þjálfa núvitund reglubundið m.a. með því að nýta okkur hljóðupptökur af vef Núvitundarsetursins.“ Eydís Eyjólfsdóttir, mannauðsstjóri / HR Manager Forsætisráðuneyti / Prime Minister's Office
Marel
„Myndast hefur ákveðinn kjarni starfsfólks sem mætir reglulega í hugleiðslustund í hádeginu. Starfsfólk upplifir að það er betur í stakk búið til að takast á við verkefni dagsins, það upplifir hugarró í kjölfar tímans og nær betra jafnvægi í einkalífi og starfi. Mikil ánægja hefur verið með kennara Núvitundarsetursins sem eru einstaklega fagmannlegir.“ María Fanndal Birkisdóttir – HR Consultant
Icelandair
„Í byrjun árs 2018 ákvað Icelandair að bjóða flugáhöfn sinni upp á fræðslu um núvitund. Á því ári komu núvitundarkennarar frá Núvitundarsetursins inn á CRM námskeið flugmanna og flugþjóna og lýstu hvernig aðferðir núvitundar gætu nýst þeim í lífi og starfi og leiddu þá jafnframt í gegnum núvitundaræfingu til að leyfa þeim að upplifa núvitundarþjálfun á eigin skinni. Almenn ánægja var meðal flugáhafnar með þessa fræðslu sem leiddi m.a. til þess að núvitundaræfingum (bæði á ensku og íslensku) var bætt við í afþreyingarkerfi Icelandair flugvéla sem hefur gert farþegum Icelandair kleift að hugleiða í háloftunum síðan þá.“ Arnar Jökull Agnarsson Flugsjóri og kennari í áhafnasamstarfi Icelandair
Skrifstofa Alþingis
"Í tengslum við heilsumánuð á Alþingi í febrúar 2020 þá óskaði Skrifstofa Alþingis eftir því að fá kennara frá Núvitundarsetrinu til að halda erindi um núvitund og leiða tvær núvitundarstundir í framhaldinu fyrir starfsmannahópinn. Mikil ánægja var með erindið sem þótti veita góða innsýn í núvitundarþjálfun og ávinning hennar. Núvitundarstundirnar voru vel sóttar af starfsmönnum og lýstu starfsmenn aukinni hugarró og vellíðan eftir þær". Bryndís Bjarnadóttir, starfsmannaskrifstofa Alþingis
Laugarnesskóli
"Ákveðið var að bjóða öllum starfsmönnum Laugarnesskóla á núvitundarnámskeið á vinnutíma en slík ósk kom fram í starfsmannasamtölum. Leitað var til þeirra Bryndísar og Önnu Dóru frá Núvitundarsetrinu sem voru fúsar að taka verkefnið að sér. Þær skipulögðu 8 vikna námskeið og áhugasömum boðið að taka þátt og 52 starfsmenn skólans þáðu boðið. Almenn ánægja var með námskeiðið og við lærðum æfingar sem koma til með að nýtast okkur til framtíðar. Starfsmenn sem tóku þátt voru mjög ánægðir og töluðu um að æfingarnar sem voru kenndar á námskeiðinu hefðu haft jákvæð áhrif á vellíðan þeirra og dregið úr streitu. Æfingarnar kenndu starfsmönnum líka hvernig þeir gætu öðlast meiri hugarró og að njóta betur líðandi stundar. Þær Anna Dóra og Bryndís hafa sérstaklega góða nærveru og gáfu þátttakendum góða innsýn í hvað núvitund er og hvað hún gerir fyrir okkur. Starfsmönnum fannst líka dýrmætt að hafa tækifæri að fara á námskeiðið á vinnutíma og halda heim á leið í lok dags með innri frið". Sigríður Heiða Bragadóttir Skólastjóri Laugarnesskóla
Miðgarður – Þjónustumiðstöð Grafarvogs og Kjalarness
"Í ársbyrjun 2019 ákvað Þjónustumiðstöðin að bjóða starfsfólki sínu að sækja núvitundarnámskeið hjá Núvitundarsetrinu og fengum við Önnu Dóru Frostadóttur sálfræðing til að leiðbeina okkur. Námskeiðið var einu sinni í viku í átta skipti og heimavinna á milli tíma. Á námskeiðinu voru kenndar grunnaðferðir núvitundar og hópurinn leiddur í gegnum hugleiðsluæfingar með það að markmiði að auka vitund, draga úr streitu og mæta erfiðum augnablikum lífsins með mildi, umhyggju og skilningi. Námskeiðið og námskeiðsgögn voru til fyrirmyndar og kærkomið í amstri dagsins. Hefur okkur síðan tekist nokkuð vel að viðhalda þessari þekkingu, minnt hvort annað á að taka æfingar og hluti hópsins hefur reglulega hist og hugleitt saman. Fyrir skemmstu fengum við Önnu Dóru til að koma með okkur inn á starfsmannafund í fjarfundakerfi til að rifja upp með okkur það helsta sem við lærðum á námskeiðinu og um leið að minna okkur á að nýta þessi verkfæri sem við lærðum. Var þetta kærkomin eftirfylgni. Við getum því mælt óhikað með þessu námskeiði". Ingibjörg Þ. Sigurþórsdóttir Framkvæmdastjóri Miðgarðs
Núvitundarsetrið stendur reglulega fyrir kennsluþjálfun fyrir þá sem þegar hafa tileinkað sér núvitund og vilja stíga þau spor að leiða aðra í gegnum núvitundarþjálfun.
Núvitundarsetrið býður reglulega upp á eins þögla hugleiðsludaga í tengslum við námskeiðin.
Jafnframt bjóðast eins dags hlédrög fyrir almenning sem auglýst eru sérstaklega.
Sálfræðingar á Núvitundarsetrinu bjóða fagaðilum upp á handleiðslu í hinum ýmsu nálgunum eins og núvitund, samkennd og HAM.
Núvitundarsetrið býður upp á námskeið, lengri og styttri fræðslu og vinnustofur fyrir skóla á öllum skólastigum. Hægt er að sérsníða þjónustuna að þörfum hvers skóla fyrir sig. Vinsamlegast sendið fyrirspurnir til Bryndísar Jónu á netfangið bryndisjona@nuvitundarsetrid.is