Sérfræði- og áhugasvið
Anna Dóra er sálfræðingur (sérfræðingur í klínískri sálfræði), félagsráðgjafi og hæfnisvottaður núvitundar- og samkenndarleiðbeinandi. Hún sinnir greiningu og almennri sálfræðimeðferð fullorðinna á stofu og leiðir hópnámskeið. Sérsvið hennar eru þunglyndi, kvíði, streita og kulnun. Hún vinnur jafnframt með áföll og annan tilfinningavanda daglegs lífs. Hún sérsníðir meðferðarvinnu að einstaklingum og beitir einna helst aðferðum núvitundar, samkenndar, partavinnu (IFS), EMDR, díalektískrar atferlismeðferðar (DAM) og hugrænnar atferlismeðferðar (HAM).
Menntun
Anna Dóra lauk mastersgráðu í klínískri sálfræði við Macquarie háskólann í Sydney, Ástralíu, árið 2005 og hlaut sérfræðiviðurkenningu í klínískri sálfræði árið 2019. Áður hafði hún lokið félagsráðgjafanámi við Háskóla Íslands árið 2001 og mastersgráðu í núvitund við Bangor háskólann í Wales, UK, árið 2016. Hún fékk hæfnisvottun sem MSC (Mindful Self-Compassion) kennari frá California San Diego háskólanum árið 2020 og lauk diplomanámi í CFT (Compassion Focused Therapy) frá Compassionate Mind Foundation í Bretlandi árið 2023. Hún hefur sótt ráðstefnur og margvísleg námskeið og vinnustofur, þ.á.m. sérhæfð HAM, EMDR og núvitundar- og samkenndarnámskeið. Hún hefur jafnframt starfsleyfi til að vinna sem sálfræðingur í Bretlandi (HPCP), er meðlimur í breska núvitundarfélaginu (BAMBA) og í breska (BABCP) og íslenska HAM félaginu. Hún hefur einnig lokið handleiðslunámi í núvitund og er viðurkenndur handleiðari hjá Mindfulness Network í Bretlandi.
Starfsreynsla
Anna Dóra hefur starfað sem sálfræðingur frá árinu 2006, fyrst sem sálfræðingur á geðsviði Landspítala háskólasjúkrahúss til ársins 2007. Hún vann sem HAM meðferðaraðili á heilsugæslustöðvum í St. Albans í Bretlandi (IAPT) á árunum 2008-2011. Hún vann síðan sem sálfræðingur í Vettvangsgeðteymi Reykjavíkur á vegum Velferðarsviðs á árunum 2011-2018. Frá 2015 hefur hún rekið eigin sálfræðistofu á Núvitundarsetrinu þar sem helstu verkefni hennar er klínísk einstaklingsmeðferð og hópnámskeið. Samhliða því hefur hún sinnt kennslu í núvitund og samkennd á háskólastigi, handleiðslu fagfólks, tekið þátt í rannsóknarvinnu og haldið fjölda námskeiða í núvitund og samkennd fyrir klíníska hópa, fagaðila, almenning og starfsmenn fyrirtækja.