Núvitund og samkennd í eigin garð 

(Mindful Self-Compassion; MSC)

Núvitund og samkennd í eigin garð er alþjóðlegt 8 vikna námskeið byggt á gagnreyndum aðferðum. Höfundar eru Dr. Kristin Neff og Dr. Christopher Germer. Námskeiðið kennir grunnaðferðir og æfingar í að mæta erfiðum augnablikum lífsins með mildi, umhyggju og skilning.

 

Áhersla er lögð á að þjálfa samkennd í eigin garð með því að vinna með þrjá lykilþætti; Núvitund, sammannlega þætti og góðvild í eigin garð. Núvitund hjálpar okkur að vera meðvituð um líðandi stund og að gangast við því sem er. Sammannlegir þættir hjálpa okkur að vakna til vitunar um hvernig við öllum tengjumst, erum ekki ein heldur öll á sama báti. Góðvild í eigin garð hjálpar okkur að mæta erfiðleikum og okkur sjálfum út frá því sem við raunverulega þurfum á að halda. Saman geta þessir þrír þættir stutt við okkur á erfiðum stundum.

 

Allir geta lært að sýna sjálfum sér samkennd og mildi, bæði þeir sem eiga erfiða bernsku og reynslu að baki og þeir sem eiga erfitt með að standa með sjálfum sér. Samkennd í eigin garð er hugrökk afstaða, hún styður okkur í að bregðast við þeim erfiðleikum sem við ómeðvitað sköpum okkur sjálf, t.d. með neikvæðri innri gagnrýni, með því að einangra okkur eða með því að festast í óhjálplegum aðferðum. Samkennd í eigin garð veitir tilfinningalegan styrk og þol. Hún hjálpar okkur að viðurkenna og gangast við okkur sjálfum eins og við erum, hvetja okkur áfram með vinsemd, fyrirgefa okkur þegar þörf er á, tengjast öðrum af heilum hug og leyfa okkur að vera við sjálf.

 

Sífellt fleiri rannsóknir sýna sterk tengsl á milli samkenndar í eigin garð og andlegs jafnvægis - minni kvíða, þunglyndi og streitu ásamt því að efla heilbrigðar lífsvenjur og styrkja tengsl okkar við aðra.

Eftir þátttöku á þessu námskeiði munt þú geta:

- Iðkað núvitund og samkennd í eigin garð í daglegu lífi.

- Skilið vísindin á bak við samkennd í eigin garð.

- Hvatt þig áfram með góðvild í stað gagnrýni. 

- Höndlað erfiðar tilfinningar á mildari máta. 

- Umbreytt erfiðum tengslum bæði gömlum og nýjum.

- Tekist á við kulnun.

- Notið lífsins betur og notið samveru við sjálfa/n þig betur.

Við hverju má búast?

Námskeiðið felur í sér ýmis konar hugarþjálfun, hugleiðsluæfingar, fræðslu, skriflegar æfingar, umræður og heimaæfingar. Markmiðið er að þátttakendur upplifi samkennd í eigin garð og geti nýtt hana í daglegu lífi. Þetta er námskeið sem þjálfar tilfinningalegan styrk og þolgæði fremur en að taka á gömlum erfiðleikum. Breytingarnar gerast eftir því sem við þjálfum okkur í að mæta okkur sjálfum með mildi og á góðlátlegan máta.

MSC inniheldur 8 vikulegar kennslustundir sem hver um sig er 3 klst. að lengd, til viðbótar býðst fjögurra klukkustundar langt hlédrag. Fyrir hvern tíma ættu þátttakendur að æfa núvitund og samkennd í eigin garð í amk 30 mínútur daglega.

Fyrir hverja?
Mælt er með að fók hafi lokið grunnnámskeiði í núvitund þar sem það hefur verið sýnt fram á að það reynist sérstaklega árangursríkt fyrir þá. Hins vegar er einnig hægt að skrá sig á námskeiðið án þess að hafa fyrri reynslu af hugleiðsluiðkun.

Ekki er mælt með þessu námskeiði fyrir fólk sem eru að taka sín fyrstu skref í áfallavinnu eða er í miklu tilfinningalegu ójafnvægi. Í þeim tilfellum er mælt með að fólk nái auknu tilfinningalegu jafnvægi í gegnum einstaklingsvinnu, fari svo á grunnnámskeið í núvitund og í framhaldinu á þetta námskeið. Sú vegferð hefur reynst fólki sérstaklega gagnleg.
Til þess að efla öryggi eru þátttakendur beðnir um að gefa upp bakgrunnsupplýsingar og svara spurningalistum í fyrsta tíma.

 

Fyrir áhugasama þá er mælt með að lesa eftirfarandi bækur fyrir eða á meðan á námskeiðinu stendur:

 

- The Mindful Self-Compassion Workbook: A Proven Way to Accept Yourself, Build Inner Strenght and Thrive, by Kristin Neff & Christopher Germer

- The Mindful Path to Self-Compassion, by Christopher Germer

- Self-Compassion: The Proven Power of Being Kind to Yourself,   by Kristin Neff

 

Verð: 75.500

NÆSTU NÁMSKEIÐ

 

19. nóv., í 8 skipti á fimmtudögum milli kl. 9.00-12.00 undir leiðsögn Guðbjargar og Herdísar - fjarnámskeið

FULLBÓKAÐ

6. jan., í 8 skipti á miðvikudögum milli kl. 9.00-12.00 undir leiðsögn Margrétar Arnljótsd. og Margrétar Bárðar

19. jan., í 8 skipti á þriðjudögum milli kl. 13.00-16.00 undir leiðsögn Önnu Dóru og Pálínar

27. jan., í 8 skipti á miðvikudögum milli kl. 9.00-12.00 undir leiðsögn Önnu Dóru - fjarnámskeið

3. feb., í 8 skipti á miðvikudögum milli kl. 16.30-19.30 undir leiðsögn Eyglóar og Herdísar

 

1/2 þögull æfingadagur innifalinn.

Skráning og/eða fyrirspurnir

© 2015 NÚVITUNDARSETRIÐ, LÁGMÚLI 5, 4. HÆÐ, 108 REYKJAVÍK

Einnig er hægt að hafa beint samband við leiðbeinendur 

  • Twitter - White Circle
  • Facebook - White Circle
  • Google+ - White Circle